பயித்தியக்கா​ரியின் சுயசரிதை

ஒரு பயித்தியக்காரியின் சுயசரிதை அறிவிப்பில்
மிகுந்த நடுக்கமுறுகிறீர்கள்

அவள் பக்கங்களில் உங்கள் குறிப்புகள்
குறித்தே விசனப்படுகிறீர்கள்

முகமூடியை இன்னும் இறுக்கிக்கொள்கிறீர்கள்
அவள் தெருவை கவனமாக தவிர்க்கிறீர்கள்
முன்ருசித்த அவள் நிர்வாணம் இப்போது நெருடுகிறது
உங்கள் சகாக்களின் எந்த கேலிப்புன்னகையும்
அவளையே நினைவூட்டுகிறது
அவளுக்கு எழுத்தறிவித்தவனை சபிக்கிறீர்கள்
அவள் இருப்பே உங்களை பதைபதைக்கிறது
கொலைக்கத்தியினை தீட்டத் துவங்குகிறீர்கள்

மாறாக

அவள் தன்னைப்பற்றி ஒன்றும் எழுதுவதில்லை
அவள் யாரைப்பற்றியும் எழுதுவதில்லை