உதயகுமாரனை கையாளுதல்

ஒரு கவிஞனை கையாள்வது குறித்து

உங்களுக்கு எந்தப் புரிதலும் இல்லை 

நீங்கள் அவன் பின்னங்கழுத்தில் வைக்கும் 

கத்தியைப் பற்றி அறிந்தே இருக்கிறான் 

உங்களை நோக்கி புன்னகைப்பவனுக்கு

முன்னறிந்திரா வசைச்சொல்லை பரிசளிக்கிறீர்கள்

அவன் புணர்வது பற்றியோ புகைப்பது பற்றியோ 

பெருங்கவலை கொள்கிறீகள் 

அவன் உறவுகளை கொச்சைப் படுத்துவது

குறித்து பெரும் உவகை கொள்கிறீர்கள் 

ஒரு கவிஞனை வசைபாடுவது 

உங்களுக்கு எளிதாக இருக்கிறது 

அவன் மொழியாளுமை குறித்த

தர்க்கத்தில் லயித்திருகிறீர்கள்

உங்களைப் புறக்கணித்து மௌநித்திருப்பவனின் 

மொழிவீச்சின் காத்திரம் குறித்த 

பிரஞையற்று தொடர்ந்து கல்லெறிகிறீர்கள்